شعر عربى :)

وازاى هتبعد ...
هوا ينفع أعيش من غير هوا ؟!
وليه بتعند ...
دى الحياه بتحلو لما نكون سوا ...
ومين غيرى هتدوش سيادتك ؟
وتقلق منامك عشان جالها حلم ...
وتعشق تشوف جوا عينك سعادتك ...
تنام جوا حضنك ف نص الفيلم ...
ومين غير حبيبى هيلمح دموعى ...
ويحضنى قبل اما تنزل بثانيه ...
يبروز صورنا وصورة سبوعى ...
وياكل طبيخى عشان من ايديا ...
ومين غيرك انت ياحبى الوحيد ...
يفاجئنى دايما بفستان جديد ؟
يجيبلى الحياه دى ف عقد وغويشه ...
يخليلى أيامى كلها عيد ؟
ومين غيرك انت هينسى اللى فات ...
ماياما زعلنا ورجعنا ف سكات ...
تعالا وصالحنى وراضينى بكلامك ...
وبوظ رشاقتى بكوم شيكولاتات

Posted in: حب,عشق,قصة,مصر