"مقلمة"متعددة الاستخدامات..منها تحفظ الأقلام ومنها"شبشب"وقت اللزوم
أما الجديد هذا العام أنه جاء بصورة أكبر قليلاً، وأكثر شبهًا بالحقيقة على شكل "مقلمة" فى حجم "الشبشب" الحقيقى، حتى أنك تندهش حين تراه وسط الأدوات المدرسية فى الفجالة، من كشاكيل وكراسات، وأقلام وغيرها.
ورغم أن بعض أولياء الأمور يرفضونه، مثل السيدة "مروة" التى قالت "أنا شفته بس طبعًا عمرى ما اشتريه لبنتى، التقاليع ليها حدود بردو أنا ممكن أجيب لها سبونج بوب، ميكى ماوس، لكن شبشب إزاى تدخل بيه الفصل"، إلا أن البائع "أحمد ياسر" يؤكد أن الإقبال عليه كبير جدًا، مشيرًا إلى أن هناك أيضًا مقلمة على شكل حذاء، ولكن الكمية التى لديه نفدت من كثرة الإقبال عليها، ولكن هذا لا يمنع أن أحمد نفسه غير مقتنع به فيقول "مش عارف إزاى العيال هتطلعها فى الفصل".
أما عن ردود فعل الأساتذة فى المدرسة، على هذا المنتج، تقول أسماء فؤاد مدرسة الرياضيات بالصف الابتدائى "فى الغالب ما بعلقش على الحاجات الغريبة لإنى بكده بديها اهتمام وألفت النظر، لكن لو حسيت إن الموضوع هيستحوذ على اهتمام زمايل التلميذ ويشتتهم، بإنهم ياخدوها ويلعبوا بيها أو يتفرجوا عليها، بيكون رد فعلى إنى أطلب منه يحتفظ بيها فى حقيبته وما تطلعش فى الحصة، ولو كررها، بحتفظ أنا بيها لحد ما الحصة تخلص".
أما سيرمين عبدالله مدرسة اللغة الإنجليزية بمدرسة الفاروقية الخاصة تقول "هى فكرة غريبة إنه يحط أدواته فى مقلمة على شكل شبشب بس أنا مش هيكون عندى تعليق غير لما اسمع منه هو اشمعنى اختار دى بالذات"، وتساءلت "يعنى هو ينزل مخصوص مع أهله عشان يشترى دى بالذات وأهله بيدفعوا دم قلبهم عشان يجيبوله اللى هو عايزه، وأنا بعد كل دا أحكم عليه ميجبهاش ولا يستخدمها لمجرد أنى مدرسته؟."
0 التعليقات:
إرسال تعليق